Naga Babu: రోజా నా ప్రత్యర్థి.. ఆమెతో జబర్దస్త్ షో ఎందుకనుకున్నా.. అందుకే!: నాగబాబు హాట్ కామెంట్స్

Naga Babu: రోజా నా ప్రత్యర్థి.. ఆమెతో జబర్దస్త్ షో ఎందుకనుకున్నా.. అందుకే!: నాగబాబు హాట్ కామెంట్స్

జబర్దస్త్ కామెడీ షో నుండి నాగబాబు క్విట్ కావడంతో బుల్లితెర వర్గాల్లో హాట్ టాపిక్ అయ్యారు. అయితే నాగబాబు జబర్దస్త్ నుండి బయటకు రావడం వెనుకు బలమైన కారణమే ఉందని.. అందుకు ఆయన వేరు కుంపటి పెట్టారనే వార్తలు జోరందుకున్నాయి.

బుల్లితెరపై నాగబాబు ఇష్యూ హాట్ టాపిక్ అవుతోంది. ఏడేళ్లపాటు జబర్దస్త్ షోకి జడ్జ్‌గా ఉన్న నాగబాబు ఈటీవీ నుండి బయటకు వచ్చేసి.. జీ తెలుగు ఛానల్‌కి జంప్ చేయడంతో రకరకాల పుకార్లు పుట్టుకొచ్చాయి. ఆయనతో పాటు చమ్మక్ చంద్ర, కిర్రాక్ ఆర్పీలు కూడా జీ తెలుగు ‘లోకల్ గ్యాంగ్’ షోకి షిఫ్ట్ అయ్యారు.

అయితే తాను ఎందుకు జబర్దస్త్ షో నుండి బయటకు రావాల్సి వచ్చిందో తెలియజేస్తూ వరుస వీడియోలను విడుదల చేస్తున్నారు నాగబాబు. ‘అంతా నా ఇష్టం’ అనే యూట్యూబ్ ఛానల్ ద్వారా మరో వీడియోను పోస్ట్ చేసి అందులో ఆసక్తికరమైన విషయాలను తెలియజేస్తూ రోజా ప్రస్తావన తీసుకువచ్చారు నాగబాబు.

ఆయన మాట్లాడుతూ.. మొదట్లో జబర్దస్త్ షో 25 రోజులు మాత్రమే అన్నారు. కాని ఆ షో ఏడేళ్లుగా ప్రసారం అవుతూనే ఉంది. నేను షో నుండి తప్పుకున్నా షో కంటిన్యూ అవుతూనే ఉందనుకోండి అది వేరే సంగతి. నేను ఈ షోకి ఒప్పుకున్నప్పుడు నాతో పాటు రోజా కూడా జడ్జ్‌గా ఉంటుందని చెప్పారు. అయితే అప్పటికే నేను ప్రజారాజ్యం పార్టీలో ఉన్నాను. ఆ తరువాత కాంగ్రెస్‌లో విలీనం చేశాం. అయితే మాకు ప్రత్యర్థిగా రోజా తెలుగుదేశం పార్టీలో ఉన్నారు. పార్టీల పరంగా మేం వేరు వేరుగా ఉన్నాం.

మేమిద్దరం జడ్జ్‌లుగా చేస్తే విభేదాలు వచ్చే అవకాశం ఉందని జబర్దస్త్ వారికి సందేహాలు కలిగాయి. తేడాలు రావుకదా అని అడిగారు. ఆ సందర్భంలో ఎవరో ఒకర్ని జడ్జ్‌గా ఉంచాలనేది వాళ్ల ఆలోచన అనుకుంటా. నేను కూడా ఈ విషయంలో ఆలోచనలో పడ్డా. రాజకీయంగా రోజా నాకు ప్రత్యర్థి.. ఆమెతో కలిసి నేను షో ఎందుకు చేయాలని అనుకున్నా.

అయితే రాజకీయంగా మా మధ్య విభేదాలు ఉండొచ్చు కాని.. ఈ క్రియేటివ్ ఫీల్డ్‌లో ఉండకూడదని అనుకున్నా. రోజా కూడా ఎలాంటి అభ్యంతరం చెప్పకపోవడంతో నేను ఒప్పుకున్నా. అలా ఇద్దరం కలిసి జడ్జ్‌లుగా ‘జబర్దస్త్’ను నడిపించాం’ అంటూ చెప్పుకొచ్చారు నాగబాబు.

Please Follow the Page to Get Daily News Updates  

Share this news to your friends thanks